بدأت allour من موقف نعرفه كلنا: يأذّن وإنتي برّا البيت. في الدوام، في المول، في المطار، أو في الطريق… مو معقولة يكون أصعب شي في يومج إنج تلقين شي نظيف ومستور تصلّين فيه.
عشان جذي جهّزنا طقم يمشي وياج: جلال صلاة خفيف وسجادة صغيرة، مرتبين في شنطة ناعمة بسحّاب، تدخل في شنطة اليد أو درج المكتب أو شنطة السفر.
نحب البساطة: أقمشة للاستخدام اليومي، ألوان هادية، ومقاسات للكبار وللأطفال لين عمر 14 سنة.
مقر allour في قطر، ونوصّل لقطر والكويت وباقي دول الخليج. نستقبل الطلبات بالرسائل على واتساب أو إنستغرام، يعني دايماً في شخص حقيقي يرد عليج.
صلاتج وياج.